საქართველოს ნაციონალური მოტო ფედერაცია FIM Europe-ის საგანგებო გენერალურ ასამბლეას დაესწრო
საქართველოს ნაციონალური მოტოსპორტის ფედერაცია FIM-ის გენერალურ ასამბლეას და FIM Europe-ის საგანგებო ასამბლეას დაესწრო
საქართველოს ნაციონალურმა მოტო ფედერაციამ მონაწილეობა მიიღო FIM-ის გენერალურ ასამბლეასა და FIM Europe-ის საგანგებო ასამბლეაზე, რომელიც 4-6 დეკემბერს ლოზანაში გაიმართა. ღონისძიება ჩატარდა FIM-ის გენერალური ასამბლეისა და FIM Awards-ის ფარგლებში, სადაც მონაწილეობა მიიღო 81 ქვეყანამ. ხოლო FIM Europe-ის ფარგლებში გამართულ ასამბლეას ევროპის 30 ეროვნული ფედერაცია დაესწრო.
ასამბლეაზე საქართველოს წარმოადგენდნენ - გიორგი ჩიქოვანი, ფედერაციის პრეზიდენტი, დავით კიკალიშვილი, ვიცე-პრეზიდენტი, ლადო გუდაძე, ფედერაციის გამგეობის წევრი, გიორგი ოთიაშვილი, ფედერაციის გამგეობის წევრი.
სხდომა გაიხსნა FIM Europe-ის პრეზიდენტ მიხალ სიკორასა და FIM-ის პრეზიდენტ ხორხე ვიეგასის მისასალმებელი სიტყვებით. ასამბლეამ დაამტკიცა მალტაში ჩატარებული 2024 წლის კონგრესის ოქმი და 2026 წლის ბიუჯეტი.
FIM-ის ასამბლეის ძირითადი ნაწილი მოიცავდა მოტოსპორტის სხვადასხვა დისციპლინების განვითარების საკითხებს. FIM Europe-ის დღის წესრიგის მთავარი ნაწილი იყო განახლებული სტატუტის მიღება, რომელიც მაქსიმალურად თანხვედრაშია FIM-ის საერთაშორისო სტანდარტებთან.
FIM Europe საგანგებო გენერალური ასამბლეა შეაფასა მიხალ სიკორამ, FIM Europe-ის პრეზიდენტმა:
“საგანგებო ასამბლეა წარმატებით ჩავატარეთ. განსაკუთრებით მნიშვნელოვანია, რომ ყველა დოკუმენტის დამტკიცება ერთხმად მოხდა.“
ქართული მხარის ვიზიტი შეაფასა ფედერაციის პრეზიდენტმა, გიორგი ჩიქოვანმა:
“გენერალურ ასამბლეაზე საქართველოს ნაციონალური მოტოსპორტის ფედერაციის წარმომადგენლების დასწრება ძალიან მნიშვნელოვანი იყო საქართველოში მოტოსპორტის განვითარებისთვის, გამომდინარე იქიდან, რომ მოხდა გამოცდილებების გაზიარება სხვადასხვა ფედერაციებს შორის.
“რაც ყველაზე მნიშვნელოვანია მოხდა FIM Europe-ს წარმომადგენლებთან განვლილი წლის გაზიარება და სხვადასხვა კუთხით შეფასებების მიღება. 2025 წლის გალა ასამბლეის ფარგლებში არაფორმალურ შეხვედრებზე მოხდა სამომავლო ვიზიტების ჩანიშვნა მოტოსპორტის განვითარების კუთხით შავი ზღვისპირა და ბალკანეთის ქვეყნებთან.
“მოხდა ორმხრივი გამოცდილების გაზიარება მოტოსკოლების აკრედიტირებასთან დაკავშირებით, რაზეც საქართველოში მუშაობა უკვე დაწყებულია და თანხვედრაში მოდის საერთაშორისო ფედერაციის მიზნებთან. საერთო ჯამში, საკმაოდ ნაყოფიერი გამოდგა ასამბლეაზე ჩვენი დასწრება და საქართველოში მოტოსპორტის განვითარების დინამიკის განხილვა.”
.jpg)
ვიზიტზე ასევე ისაუბრა ფედერაციის ვიცე-პრეზიდენტმა, დავით კიკალიშვილმა:
“ასამბლეაზე განხილული იყო მოტოსპორტის განვითარებისთვის მნიშვნელოვანი რეფორმები, დამტკიცდა განახლებული სტრუქტურა, რომელიც მთლიანად ჰარმონიზირებულია FIM-ის საერთაშორისო სტანდარტებთან, მათ შორის შეიქმნა ახალი საარჩევნო სისტემა, ასევე დისციპლინარული კოდექსი და ადმინისტრაციული ცვლილებები.
“ასამბლეის ფარგლებში განვიხილეთ 2026 წლის თანამშრომლობის გეგმები. განსაკუთრებულად მნიშვნელოვანი იყო შეხვედრები FIM-ის და FIM Europe-ის საერთაშორისო ფედერაციებთან, ასევე, რეგიონულ ფედერაციებთან, მათ შორის - ყაზახეთის, ყირგიზეთის, სომხეთის და თურქეთის მოტო-ფედერაციებთან. აქტიურ ფაზაზე გადავიდა მოლაპარაკებები მათი სპორტსმენების საქართველოს ჩემპიონატში ჩართვასთან დაკავშირებით, კერძოდ ენდუროს მიმართულებით. აღსანიშნია, რომ დაწყებულია მსაჯებისა და ტექნიკური პერსონალის გადამზადების პროგრამის შეთანხმება, მოტოსკოლებისთვის სერთო სასწავლო კურსის შექმნა, რაც პირდაპირ გააუმჯობესებს ხარისხსა და სტანდარტებს საქართველოში.
“მუშაობა მოიცავდა ბავშვთა მოტოსპორტის მიმართულებასაც. 2026 წელს ფედერაციისგან ძირითადი ყურადღება სწორედ ბავშვთა მოტოსპორტის მიმართულების განვითარებას დაეთმობა, რაც ინფრასტრუქტურის მომზადებას და სასწავლო სისტემის შექმნას ითვალისწინებს. ჩვენი მიზანია ბავშვთა მოტოსპორტი ხელმისაწვდომი უსაფრთხო და კიდევ უფრო პროფესიონალურად ორგანიზებული გავხადოთ საქართველოში.”
